Քաղաքական

24.06.2019 19:15


Վենետիկի հանձնաժողովը տեղյակ է ՀՀ-ում ՍԴ-ի շուրջ տեղի ունեցող զարգացումների մասին

Վենետիկի հանձնաժողովը տեղյակ է ՀՀ-ում ՍԴ-ի շուրջ տեղի ունեցող զարգացումների մասին

Վենետիկի հանձնաժողովը տեղեկացված է ՀՀ–ում Սահմանադրական դատարանի շուրջ տեղի ունեցող զարագացումների մասին և խնդրել է հանձնաժողովի նախագահին հանդես գալ հայտարարությամբ։

Հարցը քննարկվել է հունիսի 21-22-ին կայացած 119-րդ պլենար նիստի ընթացքում։

«Հանձնաժողովը տեղյակ է Հայաստանում Սահմանադրական դատարանի շուրջ տեղի ունեցող զարագացումներին, այդ թվում՝ վերջին հանրային հայտարարություններին, որոնք վերաբերում են ՍԴ ներկա անդամներին: Վենետիկի հանձնաժողովը խնդրել է հանձնաժողովի նախագահին ուշադիր հետևել իրավիճակին և, հարկ եղած դեպքում, այս հարցի շուրջ հանդես գալ հայտարարությամբ»,-ասվում է հանձնաժողովի հայտարարության մեջ։

Հիշեցնենք, որ հունիսի 16-ին Ազգային ժողովի կողմից ՍԴ դատավոր էր ընտրվել Վահե Գրիգորյանը։

Նրա օգտին քվեարկել էր 99 պատգամավոր, դեմ էին արտահայտվել 22-ը։

Պաշտոնը ստանձնելու իր ելույթում Վահե Գրիգորյանը հայտարարել էր, որ երդումը տալու պահից ՍԴ-ում լինելու է երկու դատավոր և քանի որ մյուս դատավորն այժմ երկրում չէ, ինքն ստանձնում է ՍԴ նախագահի պաշտոնը։

Նրա այս հայտարարությունը քննադատության ալիք էր բարձրացրել։

Աղբյուրը՝ Tert.am

Այս խորագրի վերջին նյութերը