ԵԱՀԿ Մինսկի խմբի համանախագահներն այցելել են Վիեննա և Բրատիսլավա։ Նրանք ԵԱՀԿ գլխավոր քարտուղար Թոմաս Գրեմինգերին և ԵԱՀԿ-ի գործող նախագահ Միրոսլավ Լայչակին ԼՂ հակամարտության տարածաշրջան վերջին այցի և Մնացականյան-Մամեդյարով՝ Վաշինգտոնում կայացած հանդիպման արդյունքներ են ներկայացրել։

Համանախագահները ողջունել են հունիսի 28-ին բանտարկյալների միաժամանակյա ազատ արձակումը՝ բարձր գնահատելով Կարմիր Խաչի միջազգային կազմակերպության ջանքերը` ուղղված ձերբակալվածների նկատմամբ առաջին դրական քայլին աջակցելուն:

Համանախագահները հակամարտության կողմերին հորդորել են հավելյալ կոնկրետ հումանիտար ջանքեր գործադրել որքան հնարավոր է շուտ բովանդակային բանակցությունների համար բարենպաստ մթնոլորտի հետագա ամրապնդման համար։

Աղբյուրը՝ yerevan.today