Քաղաքական

09.07.2019 11:44


Կայացավ Մասիսի քաղաքապետի գործով առաջին դատական նիստը

Կայացավ Մասիսի քաղաքապետի գործով առաջին դատական նիստը

Երևանի ընդհանուր իրավասության դատարանի Շենգավիթի նստավայրում, դատավոր Ռոբերտ Պապոյանի նախագահությամբ, կայացավ Մասիսի քաղաքապետ Դավիթ Համբարձումյանի և ևս 7 քաղաքացու վերաբերյալ գործով առաջին դատական նիստը։

Ինչպես տեղեկացնում է «Արմենպրես»-ը, լրագրողների հետ զրույցում Դավիթ Համբարձումյանը ասաց, որ չի ընդունում իրեն առաջադրված մեղադրանքը։

«Ժամանակը թող գա, թող դատաքննությունն ավարտվի, բոլորդ կիմանաք, թե ինչ է եղել։ Այդ ժամանակ, խոստացել եմ բոլոր լրատվամիջոցներին, որ մամուլի ասուլիսով եմ հանդես գալու»,-ասաց Համբարձումյանը։

Հարցին՝ թե դժվար չէ՞, արդյոք, այդ կարգավիճակում կառավարել Մասիս քաղաքը, նա պատասխանեց, որ ընդհակառակը շատ լավ կառավարում է։

«Կարող եք Մասիսի բնակիչներին հարցնել, իրենք կփաստեն դրա մասին։ Որևէ խնդիր չեմ տեսնում»,-ասաց Համբարձումյանը։

Այս խորագրի վերջին նյութերը