ԱՄՆ-ի Նեւադայի նահանգի բնակչուհին դատարանի վճռով երեք միլիոն դոլարի չափով փոխհատուցում Է ստացել այն բանի համար, որ 35 տարի բանտ Է նստել հանցագործության համար, որը նա չի կատարել: Այդ մասին, ինչպես տեղեկացնում Է «Արմենպրես»-ը, հայտնել Է Daily Mail-ը:

1980 թվականին 29-ամյա Քեթի Վուդսին դատապարտել են 35 տարվա ազատազրկման 19-ամյա ուսանողուհի Միշել Միթչելի սպանության համար: Բուն հանցագործությունը կատարվել Էր 1976 թվականին: Շուտով Նեւադայի նահանգի Գերագույն դատարանը բեկանել Է դատավճիռը, սակայն 1984 թվականին կինը կրկին դատապարտվել Է:

Գործը քննած վերադաս ատյանները դատավճիռը թողել են ուժի մեջ: Վուդսի անմեղությունը պարզել են ԴՆԹ-ի անալիզի արդի տեխնոլոգիայի միջոցով իրեղեն ապացույցների ուսումնասիրումից հետո, տեխնոլոգիա, որը 1976 թվականին՝ քննչական գործողությունների անցկացման պահին դեռեւս գոյություն չուներ:

Իսկական մարդասպանը եղել Է սերիական մոլագար Ռոդնի Հոլբաուերը, որը բռնաբարել եւ սպանել Է եւս հինգ կանանց: 2018 թվականին նրան դատապարտել են ցմահ բանտարկության, հաղորդել Է ՌԻԱ Նովոստին: