Հինգ օրից Օպերայի եւ բալետի ազգային ակադեմիական թատրոնի դահլիճում տեղի կունենա բոլոր ժամանակների լավագույն կիթառահարներից մեկի' Ջոն ՄքԼաֆլինի եւ 4th Dimension ջազ-ֆյուժն քառյակի համերգը, որին կմասնակցի Արտո Թունջբոյաջյանը:

Ինչպես հաղորդում է «Մեդիամաքս»-ը, ընդառաջ գնալով հանդիսատեսների խնդրանքին, համերգի կազմակերպիչ «Վիբրոգրաֆուս» ընկերությունը ապրիլի 22-ից սահմանել է նոր գներ տոմսերի համար' փորձելով դրանք առավել մատչելի դարձնել լավ երաժշտության սիրահարների համար:

Ապրիլի 28-ին կայանալիք համերգի տոմսերը կարելի է զեղչված գներով ձեռք բերել Օպերայի եւ Տիկնիկային թատրոնի տոմսարկղերում:

Նոր գներն են.

18.000 ՀՀ դրամ' նախկին 20.000-ի փոխարեն;

20.000 ՀՀ դրամ' նախկին  28.000-ի փոխարեն;

20.000 ՀՀ դրամ' նախկին 30.000-ի փոխարեն;

25.000 ՀՀ դրամ' նախկին 40.000-ի փոխարեն;

25.000 ՀՀ դրամ' նախկին 45.000-ի փոխարեն;

30.000 ՀՀ դրամ' նախկին 50.000-ի փոխարեն;

35.000 ՀՀ դրամ ' նախկին 55.000-ի փոխարեն: