Քաղաքական

25.10.2019 19:30


Հարցաքննվել է ԱԺ քարտուղարության երկարամյա պետ Թաթուլ Սողոմոնյանը

Հարցաքննվել է ԱԺ քարտուղարության երկարամյա պետ Թաթուլ Սողոմոնյանը

ՀՀ Ազգային ժողովի աշխատակազմի նախկին տեղակալ Արսեն Բաբայանի դեմ հարուցված քրեական գործի շրջանակներում, 168.am-ի տեղեկություններով, այսօր Հատուկ քննչական ծառայությունում հարցաքննվել է ԱԺ քարտուղարության երկարամյա պետ Թաթուլ Սողոմոնյանը:

Թաթուլ Սողոմոնյանը մեզ հետ զրույցում ասաց, որ իր հարցաքննությունն ավարտվել է, որևէ կարգավիճակ ինքը չունի:

Մեր այն հարցին, թե ի՞նչ հարցեր են իրեն տրվել, վերջինս ասաց, որ չի կարող պատասխանել. նախաքննական գաղտնիք է:

«Դրա համար մարդիկ ստորագրում են, չէ՞»,-նկատեց ԱԺ վերջին 25 տարիների Քարտուղարության անփոփոխ պետը:

Մեր տեղեկություններով՝ երեքշաբթի օրը մեղադրանք կառաջադրվի ԱԺ նախկին նախագահ Արա Բաբլոյանին, սակայն կալանավորման միջնորդությամբ ՀՔԾ-ն հանդես չի գա:

Արա Բաբլոյանին մեղադրանք առաջադրելու՝ ՀՔԾ-ի տամաբանությունը, թերևս, հասկանալի է, քանի որ այլապես Արսեն Բաբայանին կալանքի տակ պահել չեն կարող:

Հիշեցնենք, որ ՀՀ հատուկ քննչական ծառայությունում քննվող քրեական գործի նախաքննության ընթացքում ձեռք բերված բավարար ապացույցների հիման վրա Արսեն Բաբայանին մեղադրանք է առաջադրվել ՀՀ քրեական օրենսգրքի 38-300-րդ հոդվածի 1-ին մասով և 314-րդ հոդվածի 1-ին մասով նախատեսված այն հանցավոր արարքների կատարման համար, որ նա, 2018 թվականին հանդիսանալով ՀՀ Ազգային ժողովի աշխատակազմի ղեկավարի տեղակալի պաշտոնակատար, օժանդակել է մի խումբ պաշտոնատար անձանց կողմից ՀՀ Սահմանադրական դատարանի լիազորություններին տիրանալուն, ինչպես նաև կատարել է պաշտոնեական կեղծիք: Նույն քրեական գործի շրջանակներում որպես կասկածյալ է ներգրավվել ՀՀ ԱԺ նախկին նախագահ Արա Բաբլոյանը` իշխանությունը յուրացնելու կասկածանքով:

Այս խորագրի վերջին նյութերը