ՌԴ հայտնի երգչուհի Սատի Կազանովան ամուսնու հետ այցելել է Հայաստան և Instagram-ում կիսվել Հայաստանից լուսանկարներով և տպավորություններով։

Երգչուհին ժամանել էր Հայաստան՝ մասնակցելու ԽՍՀՄ ժողովրդական արտիստ Իոսիֆ Կոբզոնի հիշատակին նվիրված բարեգործական համերգին։

«Ամաչում եմ խոստովանել, որ լինելով կովկասցի՝ առաջին անգամ եմ այցելում այս զարմանալիորեն գեղեցիկ երկիր։ Ես և ամուսինս վայելեցինք Հայաստանի ջերմությունն ու հյուրընկալությունը»,- գրել է Սատին։

Երգչուհին նաև խոստովանել է, որ Երևանում կայացած հիշատակի երեկոյի շնորհիվ ավելին իմացավ մեծ անհատականության և արտիստի (Իոսիֆ Կոբզոնի) մասին, իսկ նրա սերը, հարգանքը և երախտագիտության զգացումը Կոբզոնի հանդեպ կրկնապատկվել է:

Աղբյուրը՝ tert.am