Աշխարհ

26.11.2019 22:06


Թուրքիայում տարեցտարի ավելանում է կանանց սպանությունների թիվը

Թուրքիայում տարեցտարի ավելանում է կանանց սպանությունների թիվը

Վերջին տարիներին Թուրքիայում ավելացել է կանանց դեմ ուղղված բռնության դեպքերի թիվը։

«Դադարեցնենք կանանց սպանությունները» հարթակի հրապարակած տվյալների համաձայն՝ 2011թ․-ից սկսած Թուրքիայում կանանց սպանությունների թիվը ամեն տարի աճում է։ Այսպես, եթե 2011թ․ գրանցվել էր ընդամենը 121 նմանատիպ հանցագործություն, ապա հետագա տարիներին պատկերը եղել է հետևյալը՝

2012թ․ սպանվել է 210 կին

2013թ․ սպանվել է 237 կին

2014թ․ սպանվել է 294 կին

2015թ․ սպանվել է 303 կին

2016թ․ սպանվել է 328 կին

2017թ․ սպանվել է 409 կին

2018թ․ սպանվել է 440 կին

2019թ․ 10 ամիսվա ընթացքում էլ ներկա կամ նախկին ամուսնու կամ սիրեցյալի, որևէ հարազատի կամ մեկ այլ անձի կողմից սպանվել է 383 կին։

«Դադարեցնենք կանանց սպանությունները» հարթակի նախագահ Գյուլսյում Քավի խոսքով՝ բռնության ենթարկվելն այսօր կանանց ամենամեծ խնդիրն է, այն ավելի մեծ սպառնալիք է, քան նույնիսկ գործազրկությունը և կրթության ոլորտում առկա անհավասարությունը։

Կանանց և աղջիկների նկատմամբ բռնության դեմ պայքարի միջազգային օրվա՝ նոյեմբերի 25-ի առթիվ Թուրքիայում մի շարք միջոցառումներ և երթեր են կազմակերպվել։

Աղբյուրը՝ ermenihaber.am

Այս խորագրի վերջին նյութերը