Այսօր՝ դեկտեմբերի 2-ին, ավտովթար է տեղի ունեցել Գեղարքունիքի մարզոմ: Ժամը 10:20-ի սահմաններում Մարտունի-Վարդենիս-Քարվաճառ ավտոճամապարհի 5.5 կմ հատվածում բախվել են Արծվանիստ գյուղի բնակիչ, 25-ամյա Գևորգ Պ.-ի վարած BMW մակնիշի 36 LR 562 համարանիշի և Ծովինար գյուղի բնակիչ, 49-ամյա Գևորգ Կ.-ի վարած Opel մակնիշի 35 XO 275 համարանիշի ավտոմեքենաները:

Ինչպես հայտնում է ֆոտոլրագրող Գագիկ Շամշյանը, վթարի հետևանքով Opel-ը դուրս է եկել երթևեկելի գոռուց և բախվել ծառին, իսկ վարորդներից Գևորգ Կ.-ն, նրա ուղևորներ, Ծովինար գյուղի բնակիչներ, 55-ամյա Սանասար Ա.-ն, 60-ամյա Աշոտ Ե.-ն և 52-ամյա Հարություն Դ.-ն մարմնական վնասվածքներով տեղափոխվել են «Մարտունի» բժշկական կենտրոն:

Փաստի առթիվ նյութեր են նախապատրաստվում:

Գ. Շամշյանի տեղեկություններով՝ Opel-ի վարորդն ու բոլոր վիրավորները աշխատում են «Հայռուսգազարտ» ՓԲԸ-ում:

Մանրամասները՝ Shamshyan.com-ում։