Չինաստանի Ժողովրդական Հանրապետության կենտրոնում պեղումների արդյունքում հնագետները 500 տարվա վաղեմության, ամբողջովին պահպանված հավի ձվեր են հայտնաբերել: «Արմենպրես»-ի փոխանցմամբ՝ այս մասին հայտնում է «Սինխուա» լրատվական գործակալությունը:

«Կճեպն անվնաս է մնացել այն բանի շնորհիվ, որ հավկիթները գտնվել են փակ տարածքում, որտեղ ջերմաստիճանն ու խոնավությունը կայուն են եղել»,-պատմել է հնագիտական խմբի համակարգող Յունմեյ Տանը:

Հնագիտության մեջ հազվագյուտ երևույթ է դամբարանում չկոտրված հավկիթներ հայտնաբերելը: Պատմաբանները դեռ միակարծիք չեն այն հարցի շուրջ, թե ինչու են հավկիթները թողնվել դամբարաններում: Վարկածներից մեկի համաձայն՝ հավկիթները հարատևության և կյանքի շարունակականության խորհրդանիշն են: