Այսօր՝ դեկտեմբերի 27-ին, խոշոր ավտովթար է տեղի ունեցել Շիրակի մարզում: Ժամը 01:05-ի սահմաններում Արթիկ քաղաքի Բաղրամյան փողոցի թիվ 13 հասցեի դիմաց, բախվել են Անուշավան գյուղի բնակիչ, 38-ամյա Գևորգ Ալեքսանյանի վարած ВАЗ 2109 մակնիշի 35 PՏ 162 համարանիշի և Արթիկ քաղաքի բնակիչ, 29-ամյա Արթուր Սահակյանի վարած Opel Zafira մակնիշի 36 AՏ 755 համարանիշի ավտոմեքենաները:

Փրկարարները հոսանքազրկել են ավտոմեքենաները, փակել գազաբալոնների փականներն ու կատարել ճանապարհի լվացման աշխատանքներ:

Վթարի հետևանքով Ա. Սահակյանի ուղևոր, Արթիկի բնակիչ, 29-ամյա Հասմիկ Հակոբյանը, վարորդ Գ. Ալեքսանյանը, նրա ուղևոր, 33-ամյա Նարինե Սարգսյանը, 14-ամյա Ռուզաննա Ալեքսանյանն ու 8-ամյա Սիրեկան Ալեքսանյանը մարմնական վնասվածքներով տեղափոխվել են՝ մի մասը՝ Գյումրիի բժշկական կենտրոն, մի մասը՝ «Արթիկ», երեխաներն էլ՝ Գյումրու «Մոր և մանկան ավստրիական հիվանդանոց»:

Դեպքի վայրում հավաքվածներն ասում էին, որ երբ 09-ի վարորդին դուրս են բերել ավտոմեքենայից, նա եղել է ոչ սթափ:

Այդ տեղեկությունը պարզելու նպատակով նշանակվել է սթափության փորձաքննություն:

Փաստի առթիվ նյութեր են նախապատրաստվում:

Ըստ նախնական տեղեկությունների՝ վթարի մեղավորը եղել է 09-ի վարորդը:

Մանրամասները՝ Shamshyan.com-ում։