Թուրքիայի խոշորագույն Ստամբուլ քաղաքում շուրջ 8.000 անօթևան մարդ կա:

Այս մասին հայտնի է դարձել Թուրքիայի «Երջանկություն» կուսակցության «Լուծում. Ստամբուլի անտուն մարդիկ» զեկույցից: Զեկույցի կազմման համար իրականացված հետազոտությունը տևել է 3 ամիս: Պարզվել է, որ փողոցում ապրողների շարքում կան նաև գործարարների երեխաներ, նախկին դերասաններ ու բարձրագույն կրթությամբ անձիք: Այդ անտունների 90 տոկոսն արական սեռի քաղաքացիներ են:

Անտունների շարքերում կան այնպիսինները, որոնք փողոցում են ապրում 3-4 ամիս, կան նաև 14 տարի շարունակ փողոցում գիշերողներ: Նրանց 65-70 տոկոսն աշխատունակ է, մնացած 30 տոկոսը ժամանակավոր կամ մշտական առողջական խնդիրներ ունի: Անօթևաններիի 70 տոկոսը Թուրքիայի քաղաքացիներ են, 30 տոկոսը՝ օտարերկրացիներ:

Թուրքիայի քաղաքացիություն ունեցողների մեծ մասը Ստամբուլ են գնացել երկրի արևելյան նահանգներից: Օտարերկրացիները հիմնականում մարոկացիներ, ուզբեկներ, պաղեստինի արաբներ ու սիրիացիներ են:

Թուրքական հասարակական կազմակերպությունների հրապարակած տվյալների համաձայն՝ երկրի ողջ տարածքում անտունների թիվը հասնում է 80-100 հազարի:

Աղբյուրը՝ ermenihaber.am