«Իրանական ժամադրությունների չեղարկում». ԱՄՆ դեսպանատունը նման անվանմամբ հայտարարություն է հրապարակել
Մերձավոր Արևելքում վերջերս տեղի ունեցած իրադարձությունների պատճառով Երևանում ԱՄՆ դեսպանատունը ժամանակավորապես կասեցրել է արտոնագրերի հետ կապված որոշ ծառայություններ։ «Արմենպրես»-ի հաղորդմամբ, դեսպանատունը այս մասին վկայող հայտարարությունը հրապարակվել է եռալեզու՝ հայերեն, անգլերեն և պարսկերեն: Թեև հայտարարության տեքստում Իրան կամ իրանցիներ բառերը չկան, սակայն հղման տողում նշվում է «Իրանական ժամադրությունների չեղարկում», նույն անվանումն է կրում նաև հայտարարության ֆայլը: ՀՀ-ում ԱՄՆ դեսպանատունը մուտքի արտոնագրերի տրամադրման ծառայություններ է մատուցում նաև Իրանի քաղաքացիներին:
Դեսպանատունը տեղեկացնում է, որ հարցազրույցի չեղարկման դեպքում խորհուրդ է տրվում հետևել հարցազրույցների նշանակման կայքին՝ հարցազրույցի նոր օր վերցնելու համար։ «Եթե հարցազրույցի նոր օր է նշանակվել դեսպանատան կողմից, ապա քաղաքացին էլեկտրոնային փոստով նամակ կստանա: Դեսպանատունը կվերանշանակի հարցազրույցի օրն առաջին հնարավորության դեպքում»,-ասված է դեսպանատան հաղորդագրության մեջ:
Տեղեկացվում է նաև, որ փոփոխություններ են գրանցվել դեսպանության տարածք մուտք գործելու ընթացակարգում: Մասնավորապես, Երևանում ԱՄՆ դեսպանատան հյուպատոսական բաժինը ԱՄՆ մուտքի արտոնագրի դիմորդներին տեղեկացնում է, որ անձնական մեծ չափսերի պայուսակներն այլևս թույլատրելի չեն:
«ԱՄՆ դեսպանատուն մուտք գործելիս ձեզ հետ կարող եք ունենալ միայն ձեռքի փոքր պայուսակ: Ավելի մեծ իրեր ունենալու դեպքում ձեզ թույլ չեն տա մուտք գործել դեսպանատուն և դուք չեք կարողանա ձեր իրերը թողնել անվտանգության աշխատակիցների մոտ կամ բլրի վրա գտնվող անվտանգության կրպակում։ Խնդրում ենք ձեր այցը պլանավորել այնպես, որպեսզի մենք կարողանանք մեր ծառայությունները մատուցել ըստ պատշաճի»,-ասված է հաղորդագրության մեջ:
.jpg)
«Իրանական ժամադրությունների չեղարկում». ԱՄՆ դեսպանատունը նման անվանմամբ հայտարարություն է հրապարակել
Մերձավոր Արևելքում վերջերս տեղի ունեցած իրադարձությունների պատճառով Երևանում ԱՄՆ դեսպանատունը ժամանակավորապես կասեցրել է արտոնագրերի հետ կապված որոշ ծառայություններ։ «Արմենպրես»-ի հաղորդմամբ, դեսպանատունը այս մասին վկայող հայտարարությունը հրապարակվել է եռալեզու՝ հայերեն, անգլերեն և պարսկերեն: Թեև հայտարարության տեքստում Իրան կամ իրանցիներ բառերը չկան, սակայն հղման տողում նշվում է «Իրանական ժամադրությունների չեղարկում», նույն անվանումն է կրում նաև հայտարարության ֆայլը: ՀՀ-ում ԱՄՆ դեսպանատունը մուտքի արտոնագրերի տրամադրման ծառայություններ է մատուցում նաև Իրանի քաղաքացիներին:
Տեղեկացվում է նաև, որ փոփոխություններ են գրանցվել դեսպանության տարածք մուտք գործելու ընթացակարգում: Մասնավորապես, Երևանում ԱՄՆ դեսպանատան հյուպատոսական բաժինը ԱՄՆ մուտքի արտոնագրի դիմորդներին տեղեկացնում է, որ անձնական մեծ չափսերի պայուսակներն այլևս թույլատրելի չեն:
«ԱՄՆ դեսպանատուն մուտք գործելիս ձեզ հետ կարող եք ունենալ միայն ձեռքի փոքր պայուսակ: Ավելի մեծ իրեր ունենալու դեպքում ձեզ թույլ չեն տա մուտք գործել դեսպանատուն և դուք չեք կարողանա ձեր իրերը թողնել անվտանգության աշխատակիցների մոտ կամ բլրի վրա գտնվող անվտանգության կրպակում։ Խնդրում ենք ձեր այցը պլանավորել այնպես, որպեսզի մենք կարողանանք մեր ծառայությունները մատուցել ըստ պատշաճի»,-ասված է հաղորդագրության մեջ: