«ԱԺ «Իմ քայլը» խմբակցության պատգամավորներ Կա­րեն Սարուխանյանը և Սոֆյա Հովսեփյանը զրույց են ունե­ցել խմբակցության ղեկավար Լիլիթ Մակունցի հետ: Բայց նույնիսկ պարզաբանումներից հետո չեն դադարում խո­սակցություններն այն մասին, որ Սարուխանյանին ճնշել են, որ մանդատը վայր դնի: Ինչպես հայտնի է, Մարալիկի ծննդատան փակման մասով քննադատություննե­րին ի պատասխան՝ ֆեյսբուքյան բանավեճի վերջում Սարուխանյանը Սոֆյա Հովսեփյանին խորհուրդ էր տվել. «Ամուսնացիր, կանցնի»: Սա, համաձայնեք, հատկապես տղամարդու կողմից, էթիկայի կանոնների կոպիտ խախ­տում է, անթույլատրելի վիրավորանք:

«Ժողովուրդ» օրաթերթը փորձեց Սարուխանյանից պարզել՝ ինչ ճնշումներ են եղել Լիլիթ Մակունցի հետ հան­դիպման ժամանակ կամ դրանից հետո: «Իմ վրա որևէ ճնշում չի եղել և չի կարող լինել: Մանդատից հրաժարվելու, խմբակցությունը լքելու և նման անիմաստ խոսակցություններ չեն եղել: Ես դեռ սպասում եմ տիկին Հովսեփյանի կողմից ներողության, քանի որ տիկինը, ինձ մեղադրելով, որևէ ապացույց չի ներկայացրել: Թիմակից գործընկերոջ հասցեին անհիմն մեղադրանքներ հնչեցնելը բարոյական քայլ չեմ համարում»,- պատասխանեց նա՝ հիշեցնելով, որ ինքն արդեն ներողություն խնդրել է Սոֆյայից:

Սոֆյա Հովսեփյանն իր հերթին «Ժողովուրդ» օրաթերթի հետ զրույցում նշեց, որ պատրաստ է փաստերով ցանկա­ցած տեղ ցանկացած քննարկման մասնակցել:

Հ Գ. «Ժողովուրդ» օրաթերթը Սարուխանյանից տեղեկացավ, որ երեկ կազմակերպված «Իմ քայլի» խնջույքին Սոֆյա Հով­սեփյանի հետ չի շփվել: Այսինքն՝ կողմերը միմյանց հետ բա­ժակ չեն բարձրացրել, որ «բարիշեն»»,-գրում է թերթը։

Նյութն ամբողջությամբ կարդացեք թերթի այսօրվա համարում: