Դատախազության նախաձեռնությամբ այսօր հրավիրվել էր արտահերթ դատական նիստ՝ քննարկելու Ազգային ժողովի նախկին պատգամավոր Մանվել Գրիգորյանի առողջական վիճակի վատթարացման պատճառով նրա խափանման միջոցը փոխելու նպատակահարմարության հարցը:

Հունվարի 14-ին Գրիգորյանը տեղափոխվել է «Նաիրի» բժշկական կենտրոնի վերակենդանացման բաժանմունք:

Բժիշկների գնահատմամբ՝ նրա առողջական վիճակը կայուն ծանր է, նա գտնվում է մշտական բժշկական հսկողության ներքո և ստանում անհրաժեշտ դեղորայքային բուժում:

Խորհրդակցական սենյակից վերադառնալով՝ դատարանը որոշեց բավարարել դատախազի միջնորդությունը՝ փոխել Մանվել Գրիգորյանի խափանման միջոց կալանքը, և որպես խափանման միջոց ընտրեց չհեռանալու մասին ստորագրությունը։

7or.am