Աշխարհ

05.02.2020 18:20


Սիրիայի Իդլիբ նահանգից ևս 40.000 փախստական է մոտենում Թուրքիայի սահմաններին

Սիրիայի Իդլիբ նահանգից ևս 40.000 փախստական է մոտենում Թուրքիայի սահմաններին

Վերջին օրերին Սիրիայի Իդլիբ նահանգի վրա կառավարական ուժերի գրոհների հետևանքով մեծ թվով քաղաքացիական բնակչություն է դուրս գալիս նահանգից՝ տեղափոխվելով ավելի անվտանգ վայրեր: Ըստ թուրքական պետական «Anadolu» լրատվական գործակալության տվյալների՝ վերջին 2 օրվա ընթացքում նահանգից դուրս է եկել շուրջ 40 հազար փախտական:

Նշվում է, որ փախստականների զգալի մասն ապաստանել է Սիրիայի հյուսիսում՝ Թուրքիայի սահմանին կառուցված ճամբարներում: Մի մասն էլ տեղակայվել է «Եփրատի վահան» անվանումով ռազմական գործողության ժամանակ Թուրքիայի կողմից անեքսիայի ենթարկված սիրիական Ազազ, Ջարաբլու, Ալ-Բաբ շրջաններում:

Փախստականների մեկ այլ խումբ էլ ապաստանել է Թուրքիայի իրականացրած մեկ այլ ռազմագործողության՝ «Խաղաղության ակունք»-ի հետևանքով թուրքական զորքերի ու Անկարայի հովանավորությունը վայելող զինված խմբավորումների վերահսկողության տակ անցած Եփրատ գետի արևելյան շրջաններում:

Աղբյուրը` Ermenihaber.am

Այս խորագրի վերջին նյութերը