Թուրքիայի նախագահ Ռեջեփ Թայիփ Էրդողանը կոչ է արել սիրիական ճգնաժամի կարգավորման հարցում կրկին ակտիվացնել Աստանայի ու Սոչիի գործընթացները: Այս հայտարարությունը Էրդողանն արել է Ուկրաինա կատարած այցի ընթացքում:

Սիրիայում տեղի ունեցող զարգացումների մասին խոսելիս Թուրքիայի նախագահը ուշադրություն է հրավիրել նաև փախստականների խնդրի վրա: Ըստ նրա՝ Թուրքիան փախստականների ճգնաժամը հաղթահարելու համար թուրք-սիրիական սահմանին Սիրիայի կողմից 30-40կմ խորությամբ «բրիկետային տներ» է կառուցում, որոնցում պետք է տեղավորի սիրիացի փախստականներին:

Աղբյուրը՝ ermenihaber.am