1890թ․-ից մինչ օրս Թուրքիայում ձնահոսքի պատճառով մահացել է 1417 մարդ, վիրավորվել՝ 412-ը։ Մահվան դեպքերի թվով Թուրքիայում երկրաշարժից հետո 2-րդ տեղում ձնահոսքն է: Այս մասին փաստում են Թուրքիայի արտակարգ իրավիճակների կառավարման գլխավոր վարչության տվյալները:

Ընդ որում՝ ամենաշատ նմանատիպ դեպքերը գրանցվել են 1992թ․-ին։ Դրանցից ամենաողբերգականը տեղի է ունեցել 1992թ․ փետրվարի 1-ին Շրնաքի Գյորմեչ գյուղում։ Այդ ժամանակ մահացել էին ձնակույտի տակ մնացած 91 զինվոր և 60 գյուղացի։ Նույն թվականի փետրվարի 3-ին ձնահոսքի պատճառով Սիիրթում զոհվել էր 22 զինվորական։

Աղբյուրը՝ ermenihaber.am