ՀՀ երկրորդ նախագահ Ռոբերտ Քոչարյանի կրտսեր որդին՝ Լեւոն Քոչարյանը, մտադիր չէ միանալ «Ոչ»-ի շտաբին: Այս մասին այսօր նա հայտնեց լրագրողների հետ զրույցում:

Լեւոն Քոչարյանը նշեց, որ ընդհանրապես մտադիր չէ մասնակցել սահմանադրական փոփոխությունների հանրաքվե կոչված հակաօրինական գործընթացին:

«Դա սկզբնապես մեծ հիմարություն էր: Փորձ է արվում ստեղծել սեփական դատարանը: Եվ ամեն անգամ նման բան նախաձեռնելով՝ հղում է արվում ժողովրդի կամքին: Սակայն ժողովուրդը տեղյակ չէ ՍԴ-ի, դատավորների աշխատանքից: Եվ դա նորմալ է: Ժողովրդին հուզում են ճանապարհներին տեսախցիկները, բալերը: Իրականում այդ ամենը պետք է գործընթացը նախաձեռնողներին, եւ իրենց «ցանկությունները» վերագրում են ժողովրդին»,-նշեց նա՝ հավելելով, որ մտադիր չէ միանալ ոչ մի ճամբարի:

Աղբյուրը՝ News.am