Այսօր ԱԺ-ում լրագրողների հետ զրույցում ԱԺ նախագահ Արարատ Միրզոյանը խոսեց վերջին շրջանում դժգոհությունների առիթ դարձած պատգամավորների պարգևավճարների մասին:

«Պատգամավորները մոտավորապես 150 հազար դրամ պարգևավճար են ստանում: Պարգևավճարը խրախուսման նպատակ ունի, և բոլորը պետք է աշխատավարձի 30 տոկոսի չափով այն ստանան: ԱԺ-ում բոլոր 700 աշխատողները ստանում են պարգևավճար, բացառապես բոլոր աշատողները: ԱԺ-ի ճնշող մեծամասնությունը ստանում է 150 հազար դրամ պարգևավճար»,- ասաց Միրզոյանը:

ԱԺ նախագահը, խոսելով պարգևավճարները կորոնավիրուսի դեմ պայքարին փոխանցելու մասին, ասաց, որ մամուլից տեղեկացել է, որ դժգոհություններ են եղել, սակայն որևէ մեկն իրեն անձամբ չի դիմել և չի հայտնել այդ մասին: Նա նշեց, որ միայն պատգամավորների պարգևավճարներն են փոխանցվել:

«Եղել են պատգամավորներ, որոնք պարգևավճարները չեն փոխանցել կորոնավիրուսի դեմ պայքարի հաշվին, քանի որ արդեն փոխանցած են եղել կամ ընտրված են եղել մարզերից: Ամեն դեպքում, գրեթե բոլորի պարգևավճարը փոխանցվել է: Մի քիչ դժվար որոշում էր, սակայն ես կայացրի այն»-ասաց նա։

Աղբյուրը՝ Tert.am