Քաղաքական

28.06.2020 11:48


40 մլն դրամի պարգևավճար՝ աշխատանքի և սոցհարցերի նախարարությունում

40 մլն դրամի պարգևավճար՝ աշխատանքի և սոցհարցերի նախարարությունում

ՀՀ աշխատանքի և սոցիալական հարցերի նախարարությունում 2020 թվականի գարնանային ամիսներից միայն ապրիլին է տրամադրվել պարգևավճար՝ շուրջ 40 մլն դրամ:

Նախարարությունից analitik.am-ին հայտնել են, որ ապրիլին պարգևավճարի համար տրամադրված գումարը կազմել է 39 467 785 դրամ, որից 4 098 645 դրամը ծախսվել է նախարարի և փոխնախարարների պարգևավճարների վրա, իսկ 35 369 140 դրամը՝ նախարարության մյուս աշխատակիցների: Մարտ ամսին ԱՍՀ նախարարությունում աշխատավարձի համար տրամադրվել է 138 միլիոն 848 հազար դրամ, որից 6,5 միլիոնը կազմել է նախարարի և նրա տեղակալների աշխատավարձը:

Ապրիլ ամսին աշխատավարձի և դրան հավասարեցված միջոցները կազմել են 172 123 094 ՀՀ դրամ, որից 2 579 460 ՀՀ դրամը՝ նախարարի և վերջինիս տեղակալների աշխատավարձ, իսկ 169 543 634 ՀՀ դրամ՝ նախարարության մյուս աշխատակիցների աշխատավարձ:

Մայիս ամսին աշխատավարձի համար տրամադրվել է 136 739 605 ՀՀ դրամ, որից 3 907 569 ՀՀ դրամ կազմել են նախարարի և նախարարի տեղակալների աշխատավարձն, իսկ 132 832 036 ՀՀ դրամ՝ նախարարության մյուս աշխատակիցներինը:

Մարտ-մայիս ամիսներին ՀՀ Աշխատանքի և սոցիալական հարցերի նախարարության աշխատավարձներն ընդհանուր կազմել են 447 710 704 ՀՀ դրամ, պարգևավճարները՝ 39 467 785 ՀՀ դրամ:

Այս խորագրի վերջին նյութերը