ԱՄՆ մայրաքաղաք Վաշինգտոնում տեղադրված Թուրքիայի Հանրապետության հիմնադիր Մուստաֆա Քեմալ Աթաթուրքի արձանին «Այո, ես մեղավոր եմ մարդկության դեմ կատարված հանցագործությունների համար» գրությամբ պաստառ է փակցվել: Այս մասին տեղեկացնում է sozcu.com.tr կայքը:

Լուսանկարը տարածվել է սոցիալական ցանցերում, դեպքի առիթով հայտարարություն է տարածել ԱՄՆ-ում գործող «Հունական ցեղասպանության կենտրոն» կազմակերպությունը` տեղեկացնելով, որ պաստառը տեղադրել է կազմակերպության անդամներից մեկը, որի նախնիները 1922 թվականին լքել են Իզմիրը:

Թուրքիայի խորհրդարանի պատգամավորներից մեկը քննադատություններ է հնչեցրել կազմակերպության հասցեին՝ արարքը «վանդալիզմ» որակելով:

Աղբյուրը՝ tert.am