Աշխարհ

24.07.2020 20:12


Գեյթսը մեկնաբանել Է COVID-19-ի համավարակին իր «մասնակցության» մասին տեսությունները

Գեյթսը մեկնաբանել Է COVID-19-ի համավարակին իր «մասնակցության» մասին տեսությունները

Microsoft կորպորացիայի հիմնադիր Բիլ Գեյթսը կրկին հերքել Է այն կոնսպիրոլոգիական տեսությունները, որոնք իրեն մեղադրում են կորոնավիրուսի համավարակին մասնակցություն ունենալու մեջ, տեղեկացնում Է «Արմենպրես»-ը:

Կորոնավիրուսի բռնկման պահից սոցցանցերում և ինտերնետ-ԶԼՄ-ներում լուրեր են տարածվում Բիլ և Մելինդա Գեյթսերի հիմնադրամի՝ համավարակին մասնակցության մասին, որոնք իբր ձգտում են պատվաստանյութն օգտագործել մարդկանց չիպավորման ու նրանց գլոբալ հետևելու համար: Տեսահոլովակը, որը Գեյթսին մեղադրում Է «Երկրի բնակիչների 15 տոկոսը ոչնչացնելու» մտադրության մեջ, միլիոնավոր դիտումներ Է հավաքել YouTube-ում:

Նա CNN-ին տված հարցազրույցում հիշեցրել Է, որ իր հիմնադրամը 250 մլն դոլար Է նվիրաբերել համավակի դեմ պայքարում: «Այնպես որ ամեն բան պարզապես գլխիվայր Է շրջվում: Նրանք ասում են՝ օքեյ, մենք փող ենք շինում, նշանակում Է, մենք փորձում ենք մարդկանց սպանել պատվաստանյութերի օգնությամբ»,-հավելել Է Գեյթսը:

Հունիսի սկզբին Գեյթսը հայտարարել Է, որ մարդկանց գլոբալ չիպավորման ուղղությամբ դավադրությանը իր մասնակցության շուրջ կոնսպիրոլոգիական տեսությունները չափազանց անմիտ են դրանք հերքելու համար, հաղորդել Է ՌԻԱ Նովոստին:

Այս խորագրի վերջին նյութերը