Լրահոս

06.08.2020 22:50


Գողությունների թիրախը սրճեփ սարքերն էին

Գողությունների թիրախը սրճեփ սարքերն էին

Oգոստոսի 5-ին, ժամը 04.20-ին, ոստիկանության Արաբկիրի բաժնի ՔՀԲ ծառայողները Ա. Խաչատրյան փողոցից, գողության փորձ կատարելու կասկածանքով, բերման են ենթարկել 19-ամյա մի երիտասարդի:

Պարզվել է, որ նա ժամը 03.30-ից 04.00-ն ընկած ժամանակահատվածում Հ. Հակոբյան փողոցի սրճեփ սարքից փորձել է փող գողանալ:

Նյութերի նախապատրաստման ընթացքում պարզվել են նաև նախկինում կատարած այլ հանցարարքներ:

Մասնավորապես, ամիսներ առաջ կոտրել էր Կոմիտասի պողոտայում և Փափազյան փողոցում տեղադրված սրճեփ սարքերը և փող գողացել, իսկ օգոստոսի 3-ին Էրեբունու փողոցի սրճեփ սարքից էր փող գողացել:

Ձեռնարկվում են միջոցառումներ՝ գողոնը հայտնաբերելու ուղղությամբ:

Նախապատրաստվում են նյութեր:

Այս խորագրի վերջին նյութերը