Հունաստանի Սալոնիկ քաղաքի կենտրոնում հոկտեմբերի 3-ին տեղի է ունեցել հույների և հայերի մեծ ցույց. ցույցի տեսանյութը տեղադրել է Պոնտոսի հույների Համահունական ասոցիացիան Facebook-ում:

Ըստ ասոցիացիայի՝ ակցիային մասնակցել է մի քանի հարյուր հույն և հայ: Ազգային դրոշներ կրող ցուցարարները անցել են քաղաքի կենտրոնով, մոմեր վառել և աղոթք կատարել: Ցուցարարներն իրենց աջակցությունն են հայտնել Հայաստանին Լեռնային Ղարաբաղում Ադրբեջանի հետ հակամարտությունում:

Ավելի վաղ հաղորդվել էր, որ Հունաստանի արտգործնախարար Նիկոս Դենդիասը նախատեսում է այցելել Երևան:

Աղբյուրը՝ aysor.am