ԱՄՆ-ի հայաշատ Լոս Անջելեսում՝ Գլենդել քաղաքում, տեղի հայությունը Արցախի պողոտայում բողոքի ցույց են կազմակերպել՝ պահանջելով դատապարտել Հայաստանի և Արցախի դեմ Ադրբեջանի ու Թուրքիայի ձեռնարկած ռազմական հարձակումները:

Ցույցի մասնակիցները վանկարկում են «Հաղթում ենք» կարգախոսը, շեշտում Հայաստանին և Արցախին աջակցելու անհրաժեշտությունն ու դրանում Սփյուռքի մասնակցության կարևորությունը:

Ցույցի մասնակիցները նաև դրամահավաք են կազմակերպել, որի արդյունքում հանգանակված ողջ գումարը պետք է ուղղվի դեպի Արցախ:

***

Լոս Անջելեսում հայ համայնքի ներկայացուցիչներն երկրորդ օրն է արդեն երկկողմանի փակում են քաղաքի գլխավոր 170, 101 և 134 մայրուղիները՝ փորձելով այդպիսով ուշադրություն հրավիրել Լեռնային Ղարաբաղում ընթացող պատերազմի վրա:

Աղբյուրը՝ tert.am