Մայիսի 1-ին ՝ժամը  04.35-ին , տեղեկատվություն է ստացվել, որ Արարատի մարզի Ավշար գյուղում տեղի է ունեցել ավտոպատահար և ավտոմեքենայից առկա է գազի արտահոսք:

Դեպքի վայր է մեկնել մեկ մարտական հաշվարկ:

Դեռևս  չպարզված համգամանքներում ՛՛Նիվա՛՛ մակնիշի 886 ՏՍ 25  պետհամարանիշի ավտոմեքենան բախվել է Մ. Խորենացի փողոցի թիվ 95 տան մոտ կայանած ՛՛ԳԱԶ-53՛՛ մակնիշի 63 ՕԼ 626 պետհամարանիշի  ջրատար ավտոմեքենային, ինչի  հետևանքով ՛՛Նիվա՛՛ ավտոմեքենայի վարորդ,1977թ.-ին ծնված Կարեն Բարսեղյանը  և ուղևոր,1987թ.-ին ծնված Գարիկ Թևոսյանը  ստացել են տարբեր աստիճանի մարմնական վնասվածքներ: Մինչ փրկարարների կանչի վայր հասնելը` շտապօգնության աշխատակիցները տուժածներին դուրս են բերել ավտոմեքենայից և տեղափոխել Արարատ քաղաքի հիվանդանոց: Ավտոմեքենայի գազի արտահոսքը դադարեցվել է  տեղի ուժերով:

Կ. Բարսեղյանի և Գ. Թևոսյանի առողջական վիճակը  գնահատվել է բավարար:

…

Նույն օրը՝ժամը 13.39-ին , ահազանգ է ստացվել, որ Երևան քաղաքի Սարալանջի փողոցում տեղի է ունեցել ավտոպատահար, կան տուժածներ. առկա է գազի արտահոսք:

Դեպքի վայր են մեկնել մեկ մարտական հաշվարկ, ճգնաժամային կառավարման կենտրոնի օպերատիվ խումբը(պարամեդիկներով):

Դեռևս չպարզված հանգամանքներում բախվել են ՛՛Մերսեդես C-280՛՛ մակնիշի 24 ՏԼ 570 պետհամարանիշի  և ՛՛ՎԱԶ-2107՛՛ մակնիշի 2486 պետհամարանիշի  ավտոմեքենաները, ինչի հետևանքով ՛՛ՎԱԶ-2107՛՛ մակնիշի ավտոմեքենայի վարորդ,1955թ.-ին ծնված Սարգիս Գրիգորյանը  տեղում զոհվել է, իսկ ուղևոր,1986թ.-ին ծնված Գոհար Կարապետյանը  ստացել է մարմնական տարբեր աստիճանի վնասվածքներ և շտապօգնության ավտոմեքենայով տեղափոխվել Երևան քաղաքի թիվ 1 կլինիկական հիվանդանոց::

Պարամեդիկների ուժերով Ս.Գրիգորյանի դին դուրս է բերվել ավտոմեքենայից և տեղափոխվել շտապօգնության ավտոմեքենա: