Ոստիկանության աշխատակիցները խուզարկություն են իրականացրել «Քառյակ մեդիայի» համահիմնադիր Միհրան Հակոբյանի տանը:

Լրագրողների հետ զրույցում Հակոբյանն ասաց, որ խուզարկություն է իրականացվել այն գործով, որով մեղադրանք է առաջադրվել իրեն:

«Չեն գտել ոչինչ: Փոխարենն առգրավել են գործի ու իրադարձությունների հետ կապ չունեցող ինչ-որ բաներ: Այս ամենը տեղի է ունեցել խախտումներով, որովհետև դատարանի որոշման մեջ ամրագրված է՝ քննիչներից ով պետք է կատարեր խուզարկությունը, բայց խուզարկությունն այլ անձ է կատարել»,-ասաց նա:

Նրա խոսքով՝ ցուցակներ, «ռուպռներ» ու իբրև թե ապօրինի հավաքի հետ կապված ինչ-որ պարագաներ են փնտրել, որոնք բնակարանից չեն հայտնաբերել:

Հակոբյանը եղածը որակեց Փաշինյանի կողմից անձամբ հրահանգավորված ապօրինությունների շարունակություն:

«Սա շարքային, փնթի կազմակերպված քաղաքական հետապնդում է, որն արդյունք չի տալու»,-նկատեց Միհրան Հակոբյանը:

Աղբյուրը՝ aysor.am