Մեկնաբանություն

15.01.2021 18:00


«Մարդ ու անասուն իրարից ջոկվում են հիշողությամբ...» նիկոլն ու չստիկներն ինչի՛ տեղ են դրել իրենց կռապաշտներին

«Մարդ ու անասուն իրարից ջոկվում են հիշողությամբ...» նիկոլն ու չստիկներն ինչի՛ տեղ են դրել իրենց կռապաշտներին

Հրանտ Մաթևոսյանի խոր ու դիպուկ խոսքն իսկը է՛ս օրվա վրա է ասված. «Մարդ ու անասուն իրարից ջոկվում են հիշողությամբ: Հիշողությունը դրած է անասունի և մարդու արանքում: Հիշողության մեջ ես՝ ուրեմն վառվում ես, մարդ ես, հաշիվներ ունես,

անհանգիստ ես – հիշողության մեջ չես՝ հրե՜ն բաց դաշտում

կովն արածում է առանց հիշողությունների, իսկ հորթին երեկ են մորթել...»:

Ինչ ուզում եք՝ ասեք, բայց լայն կամ ընդգրկուն վերցրած՝ մեր հանրային հիշողությունը ծայրահեղ հիվանդ է, եթե ոչ՝ մահամերձ: Այնքան վատ վիճակում է, որ Մաթևոսյանի հանգույն ասած՝ հրե՜ն, բաց մեդիա դաշտում որոճում է, մինչդեռ իր ապագան, այդ ապագան ստեղծելիք սերնդի սերուցքը իր իսկ աչքի առաջ երեկ մորթել են: Մորթել են թուրքերը՝ ներսի իրենց հանցագործակցի՝ նիկոլ փաշինյանի ու նրա մանկլավիկների գործուն ու անթաքույց աջակցությամբ:

Հաստա՛տ, մեր հանրային հիշողությունը խաթարված է:

Հադրութն ընկավ, ավելի ճիշտ՝ «տարօրինակ պատերազմով» նվիրեցին թշնամուն: Ու ոմանք Հադրութից չեն խոսում, նկատե՞լ եք:

Նկատե՞լ եք, որ արդեն Շուշիից էլ չեն խոսում: Միայն Ալիևն է պարբերաբար հիշեցնում Շուշիի մասին:

Նկատե՞լ եք, որ Արցախից էլ չեն խոսում արդեն: Հատկապես նիկոլը. ինքն Արցախի հարցերը լուծել, պրծել է:

Նկատե՞լ եք, որ արդեն բանակից էլ չեն խոսում:

Նկատե՞լ եք, որ արդեն չեն խոսում նաև Շուռնուխից ու Որոտանից:

Շուտով կսկսեն չխոսել Սյունիքի մասին: Շուտով անգամ ձեր զավակից չեն խոսելու, եթե անգամ ձեր աչքի առաջ, ձեր դռան շեմին նիկոլը մորթել տա:

Իսկ խոսում են նրանից, որ թողնեք ու արտափախչեք ռուսաստաններ կամ բելգիաներ:

Խոսում են Նախիջևանով Դերբենտ հասնելուց:

Խոսում են թուրքական աԲրանքի առուտուր անելուց...

Զավակներիդ երեկ մորթել են, բայց որոշ շրջանակների ուզածը, պարզվում է՝ թուրքական քրջուփալաս արածելն է, սրա-նրա առաջ նոքյարություն անելն ու քամակը մաքրելը...

Թո՛ւհ, ձեզ մարդ ասողին:

Ո՞վ է հիմա հիշում, որ ընդամենը 60 օր առաջ, ընդամենը 44 օրվա ընթացքում մի քանի հազար հայ ու Հայաստանի քաղաքացի է սպանվել կռապաշտներիդ երկրպագած հերձվածողի հրահրած «տարօրինակ», եթե իր բառերով չասենք՝ «պայմանավորված պատերազմում»:

Պողոսներիդ երկրպագած փաշալիևի ստորագրած կապիտուլյացիայից անցել է օրացուցային 2 ամիս և 1 շաբաթ: Ու այդ բիոզանգվածից միայն այն տխմար մանթրան է լսվում, թե՝ «վո՜ւյ, ամա՜ն, հանկարծ նախկինները չգան...»:

Անցել է 60 օր և էլի՝ 7 օր, իսկ ապիկարների այս հակահայ կառավարությունը դեռևս պաշտոնապես չի հրապարակել իր իսկ «դասավորած» պատերազմի ընթացքում մեր ունեցած զոհերը թիվը, զոհվածների անունները:

Չի հրապարակել վիրավորների թիվը:

Չի հրապարակել անհայտ կորածների և գերի ընկածների թիվը:

Այս հակահայ ու մարդկային ոչինչ չունեցող իշխանությունը լկտիաբար մտել է «Հայաստան» համահայկական հիմնադրամի գրպանը, բայց մինչև այսօր լումա առ լումա հաշվետվություն չի ներկայացրել, թե ինչպես ու ինչի վրա է ծախսել գրպանած գումարները, որ աշխարհով մեկ հայերը հանգանակել էին ամենևին էլ ո՛չ փաշինյանի ու նրա բթամիտ տզրուկների պարգևավճարների համար:

Ո՞ւր է հաշվետվությունը առ այն, թե պատերազմի ընթացքում Ռուսաստանի մատակարարած զենք-զինամթերքի դիմաց Հայաստանը ի՞նչ ծավալի ֆինանսական պարտավորություն է ստանձնել, պարզ ասած՝ պարտք: Ո՞վ և ո՞նց է փակելու այդ պարտքը: Գուցե նիկոլն ու աննա՞ն՝ ալիև-փաշաևներից, ըստ գերհամառ լուրերի, ստացած «30 արծաթի» հաշվին:

Մինչդեռ, նիկոլն ու չստիկներն արդեն բոլորովին այլ թեմաներ են նետում դաշտ, «անջատված» հոտն էլ որոճում է: Թե բա՝ թուրքերի հետ առուտուր, երկաթգիծ, կոմունիկացիա, խաղաղ համակեցություն, թուրքական ներդրումներ...

...Վերջին շրջանում հաճախ է շրջանառվում այն լուրը, թե նախքան պատերազմը մի 1500 ադրբեջանցի գրոհայինի ՀՀ անձնագրեր են տրամադրվել: Հասկանալի է՝ ապօրինի:

Իսկ ինձ թվում է, որ տասնամյակներ շարունակ ու հարյուր հազարավոր թուրք-ադրբեջանցիների, ի դեպ, լրիվ օրինական հիմունքներով, Հայաստանի Հանրապետության անձնագրեր են տրվել...

Կամ էլ, ինչպես Մաթևոսյանն է ասել «Մարդ ու անասուն իրարից ջոկվում են հիշողությամբ...»: Ինքնաջոկեք, թե դուք ո՛րն եք:

Արմեն Հակոբյան

Այս խորագրի վերջին նյութերը