Լրահոս

20.01.2021 12:47


Գտնվել է ավտոմեքենայով ՊՆ դարպասները կոտրած Գուրգեն Վարդանյանի՝ անհետ կորած որդու դին

Գտնվել է ավտոմեքենայով ՊՆ դարպասները կոտրած Գուրգեն Վարդանյանի՝ անհետ կորած որդու դին

Գտնվել է ավտոմեքենայով ՊՆ դարպասները կոտրած Գուրգեն Վարդանյանի՝ անհետ կորած որդու՝ Գոռ Վարդանյանի դին։ Այս մասին Tert.am-ին հայտնեց Վարդանյանի փաստաբան Կարեն Ստեփանյանը։

Նա նշեց, որ Գոռ Վարդանյանի հուղարկավորությունը կայացել է կիրակի օրը։

Հիշեցնենք, որ Գոռ Վարդանյանի անունը կար զոհվածների ցուցակում, սակայն նրա դին չէր հայտնաբերվել։ Հայրը՝ Գուրգեն Վարդանյանը փնտրում էր որդուն։

Համաձայն ՊՆ ռազմական ոստիկանության հաղորդագրության՝ հունվարի 10-ին՝ ժամը 21։30-ի սահմաններում, Վարդանյանն իր անձնական օգտագործման «ՎԱԶ 2107» մակնիշի ավտոմեքենայով հարվածել էր ՀՀ ՊՆ վարչական համալիրի հսկիչ անցագրային կետի դարպասներին, կոտրել դրանք և մուտք գործել ՊՆ վարչական համալիրի տարածք: Այնուհետև նա մեքենայով կոտրել էր վարչական մասնաշենքի մուտքի դռները և մեքենայով մխրճվել շինության մեջ։

Վարդանյանը ձերբակալվել էր, այնուհետև ազատ արձակվել։ Նրան մեղադրանք է առաջադրվել ՀՀ քրեական օրենսգրքի 327.6 հոդվածի 5-րդ մասով (զորամաս կամ հատուկ պահպանվող զինվորական այլ տարածք ապօրինի մուտք գործելը) և 258 հոդվածի 4-րդ մասով (խուլիգանություն, որը կատարվել է զենքի կամ որպես զենք օգտագործվող առարկաների գործադրմամբ): Առաջադրված մեղադրանքում Վարդանյանն իրեն մեղավոր չի ճանաչում և ցուցմունք չի տվել:

Այս խորագրի վերջին նյութերը