Սլովենիայում տղամարդը փորձել է էլեկտրական սղոցով ներխուժել խորհրդարանի շենք: Ինչպես փոխանցում է «ՌԻԱ Նովոստի»-ն` հղում անելով երկրի ՆԳՆ-ին, միջադեպը տեղի է ունեցել երեքշաբթի:

Հաղորդվում է, որ 19:00-ից հետո (21:00 երևանյան) Օրենսդիր ժողովի շենքին էլեկտրական սղոցով զինված տղամարդ է մոտեցել: Ոստիկանները, որոնք հերթապահելիս են եղել շենքի մոտ, ձերբակալել են տղամարդուն: Լյուբլյանայի ոստիկանությունը հաղորդել է, որ ոչ ոք չի տուժել:

Մասնավորեցվում է, որ տղամարդը ձերբակալության պահին բղավել է. «Հերի՛ք է, հոգնել եմ «լոքդաունից»»:

Նշվում է, որ խորհրդարանում այդ պահին Օրենսդիր ժողովի նախագահին վստահություն հայտնելու մասին նիստ էր ընթանում: Պատգամավորները ձայների մեծամասնությամբ վստահություն են հայտնել խոսնակին:

Աղբյուրը՝ tert.am