Աշխարհ

27.04.2021 22:15


Թուրքիայի ռազմական ծախսերը 2020-ին կազմել են 17.7 մլրդ դոլար

Թուրքիայի ռազմական ծախսերը 2020-ին կազմել են 17.7 մլրդ դոլար

Ստոկհոլմի խաղաղության հետազոտությունների միջազգային ինստիտուտը (SIPRI) հրապարակել է ռազմական ծախսերի վերաբերյալ իր հերթական զեկույցը։

Նշվում է, որ եթե 2019թ. ամենաշատ ռազմական ծախսեր կատարած երկրների ցանկում Թուրքիան 15-րդ հորիզոնականում էր, ապա 2020-ին նահանջել է մեկ հորիզոնականով:

Ըստ զեկույցի՝ 2020թ. Թուրքիայի ռազմական ծախսերը նախորդ տարվա համեմատ նվազել են 5 տոկոսով՝ կազմելով 17.7 մլրդ դոլար:

Նաև հաղորդվում է, որ այդ 5 տոկոսանոց անկումը բացառություն է 2011-2020թթ. ընթացքում Անկարայի գրանցած 77 տոկոս աճի պայմաններում: Հիշեցվում է, որ օրինակ 2010թ․ Թուրքիայի ռազմական ծախսերը կազմում էին շուրջ 11 մլրդ դոլար:

Զեկույցի տվյալներով՝ Թուրքիայի ռազմական ծախսերը կտրուկ ավելացել են 2015 թվականից հետո՝ կապված այդ երկրի արտաքին քաղաքականության հետ:

Աղբյուրը՝ ermenihaber.am

Այս խորագրի վերջին նյութերը