Լրահոս

16.04.2009 15:57


Ստեփան Գրիգորյան. «Ճիշտ կլինի, եթե Հայաստանը նախօրոք համաձայնություն տա, որ Թուրքիան դառնա ԵԱՀԿ ՄԽ համանախագահ»

Ստեփան Գրիգորյան. «Ճիշտ կլինի, եթե Հայաստանը նախօրոք համաձայնություն տա, որ Թուրքիան դառնա ԵԱՀԿ ՄԽ համանախագահ»

Հայ-թուրքական հարաբերությունների հաստատման և դրանից ԼՂ-ի հարցը տարանջատելու համար քաղաքագետ Ստեփան Գրիգորյանը ճիշտ է համարում, որ Հայաստանը նախօրոք համաձայնություն տա, որ Թուրքիան, սահմանների բացումից և դիվանագիտական հարաբերությունների հաստատումից հետո, դառնա ԵԱՀԿ Մինսկի խմբի համանախագահ։ Այդ դեպքում, սահմանի բացումից հետո, ԼՂ-ի հարցում լծակները կորցնելու Թուրքիայի մտավախությունն ի չիք կլինի։

-Ղարաբաղի հարցի անջատումը հայ-թուրքական հարաբերությունների կոնտեքստից գերխնդիր է մեր դիվանագիտության համար ու մեր շահերից է  բխում։ Դեռ 4-5 տարի առաջ ես ասում էի՝ միայն այն բանի համար, որ հայ-թուրքական սահմանի բացումից հետո Ադրբեջանի դերը կտրուկ կնվազի տարածաշրջանում, մենք պետք է պատրաստ լինենք ինչ-որ զիջումների,- ասել է քաղաքագետը։

 Ս. Գրիգորյանն ընդունում է, որ Թուրքիան, որպես ԵԱՀԿ ՄԽ համանախագահ, օբյեկտիվ չի լինի, բայց, այդուհանդերձ Ադրբեջանին կբացատրի, որ առանց փոխզիջումների լուծում չի լինի։

-Թուրքիան մի՛ք խառնի Ադրբեջանի հետ. իրենց դիվանագիտությունը նուրբ է, պետությունը լուրջ է։ Թուրքերը այլ դիքորոշում ունեն, և ոչ թե նրա համար, որ իրենք լավն են, այլ, ի տարբերություն Ադրբեջանի, երկիր են,- հավելել է Ս. Գրիգորյանը։

Թուրքիայի ՄԽ համանախագահ լինելու հարցում Ս. Գրիգորյանը վտանգներ չի տեսնում նաև այնքան ժամանակ, քանի դեռ համանախագահողների ցանկի մեջ կլինեն ԱՄՆ-ը և Ռուսաստանը։

 

Այս խորագրի վերջին նյութերը