Մեկնաբանություն

03.07.2021 22:10


Дешёвка ձիկտատորի «բժիշկների գործը»… անմարդկայնության բնութագիր

Дешёвка ձիկտատորի «բժիշկների գործը»… անմարդկայնության բնութագիր

Իրականում նիկոլ անարժանը նոր չէ, որ հարձակվել է ամենից մարդկային մասնագիտության ներկայացուցիչների՝ հայ բժիշկների վրա: Առհասարակ, ավելի ու ավելի արմատավորվող տպավորությունն այն է, որ նա պարզապես վրեժ է լուծում առողջապահության համակարգից ընդհանրապես, հայ բժիշկներից՝ մասնավորապես: Չէ, հաստատ վրեժ է լուծում, հակառակ դեպքում նախ, Արսեն Թորոսյանի նման մեկին չէր նշանակի ոլորտի նախարար, ապա իրավաբանական կրթությամբ անհասկանալի ինչ-որ մեկին չէր բերի ու դնի առողջապահության նախարար:

Մինչ այս, կհիշեք, «Գրիգոր Լուսավորիչ բժշկական կենտրոնի» նախկին տնօրեն Արա Մինասյանի վրա էին հարձակվել նիկոլն ու իր մանկլավիկները: Հարձակման պատճառը ակնհայտ էր. Արա Մինասյանը Սերժ Սարգսյանի խնամին է, Միքայել Մինասյանի հայրը:

Կհամարձակվեմ պնդել, որ նիկոլի և նրա մանկլավիկների կատարած քայլերն արագացրեցին մեկ այլ հրաշալի բժշկի՝ այրվածքաբան, ՀՀ առողջապահության նախկին նախարար (2003-2007թթ.) Նորայր Դավիդյանի մահը: Այս արժանավոր մարդու վրա նիկոլի ու նրա բորենիների հարձակումը միայն մեկ պատճառ ուներ. Նորայր Դավիդյանը հայ է, ՀՅ Դաշնակցության անդամ ու պարզապես հարգված, լավ մարդ: Հատկանիշներ, որոնք մերժելի են նիկոլի ու իր նման թափթփուկների կողմից:

Այժմ նիկոլն ու իր բորենիները տրամադրված ցանկանում են սպանել մեկ այլ արժանավոր հայ մարդու՝ վնասվածքաբան, «Իզմիրլյան» բժշկական կենտրոնի ղեկավար Արմեն Չարչյանին: Ձևական պատրվակն այն է, որ ինչ-որ մի նիկոլական ստուկաչ «գործ է տվել» բժշկի վրա և մուղդուսու թոռները ընկել են հայ մարդու ետևից:

Միտումնավոր, կանխամտածված սպանություն իրականացնելու համար, դատախազության, քննչական մարմինների անազգ-անհայրենիք ներկայացուցիչները կալանավորել են տվել Արմեն Չարչյանին՝ հրաշալի իմանալով, որ մարդու սիրտը ստենտավորված է, որ նա, ամենայն հավանականությամբ, կարող է սրտի նոր տագնապ ունենալ ու պարզապես չդիմանալ: Բայց քանի որ նիկոլն ու նրա հերշուհին հրամայել են սպանել Արմեն Չարչյանին, եղկելի ու հակահայ կատարածուները թրքաբար գործի են անցել:

Սակայն սա էլ է նրանց քիչ թվում:

Հիմա էլ հանրահայտ միկրովիրաբույժ Արտավազդ Սահակյանի ետևից են ընկել: Չէ, հրաշագործ ու, առանց չափազանցության՝ հազարավոր մարդկանց լիարժեք կյանքի վերադարձրած բժշկին չեն կալանավորել: Այս դեպքում նիկոլն ու իր մարդակերները այլ, ավելի խորամանկ տարբերակ են ընտրել. կայացվել է որոշում, որով Արտավազդ Սահակյանից պահանջում են այսպես ասած՝ «ազատել տարածքը»: Այսինքն, թողնել ամեն ինչ ու ամբողջ անձնակազմով հեռանալ, մեծ հաշվով՝ բժիշկների իսկ ջանքերով ստեղծված կենտրոնից: Երևի կենտրոնի սև շենքը ինչ-որ մի նիկոլական օլիգարխ արդեն գնել է, որպեսզի այնտեղ իրենց սիրելի թուրքերի հետ սաունա կամ էլի մի ինչ-որ նման մի անառականոց բացեն:

Ամեն դեպքում, ակնհայտ է, որ նիկոլի «չաքուջապողպատե» ռեժիմը վրեժ է լուծում:

Մյուս կողմից, միանգամայն բնութագրական է, որ дешёвка ձիկտատորը, կեղծիքներով ու խարդախություններով վերարտադրվելուց հետո, առաջինը հենց բժիշկների վրա է հարձակվում: Դա է սրանց անմարդկայնության բնութագիրը:

Այդպիսի մի իրական դիկտատոր է եղել ԽՍՀՄ-ում, նրա ժամանակ նման մի գործ է եղել՝ բժիշկների դեմ, բոլշևիկյան վոժդերից Ժդանովի մահվան կապակցությամբ, որքան հիշում եմ: Բազմաթիվ բժիշկներ են անհիմն ռեպրեսիաների տակ ընկել, հարյուրավորների կյանքերն ու ճակատագրերն են խեղվել: Պատմությունից դա հայտնի է որպես «բժիշկների գործ»:

Պատմության դասագրքերում այդ մասին առանձնապես գրված չէ, բայց ասում են, որ բժիշկներին մոլեռանդորեն հետապնդողը այդպես բժշկական օգնության կարոտ մնալով էլ շունչը փչել է:

Հիմա այս էժանագին ձիկտատորն ընկել է հայ բժիշկների ետևից…

Դժվար է պնդել, բայց երևի շատ է ցանկանում, որ մահն այնպիսին լինի, որ պաթալոգոանատոմն էլ չկարողանա որևէ կերպ օգտակար լինել:

Արմեն Հակոբյան

Այս խորագրի վերջին նյութերը