Ամերիկյան Keeping Up With the Kardashians իրապատում շոուի հայազգի աստղ Քիմ Քարդաշյանը ընտանեկան լուսանկարներ է հրապարակել՝ շնորհավորելով մայրական կողմի տատի՝ Մարի Ջո Քամփբելի ծննդյան 87-րդ տարեդարձը, գրում է բրիտանական Daily Mail պարբերականը։

«Դու այն կինն ես, որն ինձ իմ աշխատանքային էթիկան է սովորեցրել և շատ բաներ կյանքի, սիրո և հարաբերությունների մասին»,-հրապարակմանը կից գրել է 40-ամյա հեռուստաաստղը և երախտագիտություն հայտնել նրան իր կողքին ունենալու համար՝ հույս հայտնելով, որ օրը նրա համար կախարդական կլինի։

Իր գրառումը եզրափակելով՝ Քիմ Քարդաշյանը գրել է․ «Քեզ անչափ սիրում եմ»։

SKIMS, KKW Fragrance և KKW Beauty ապրանքանիշերի հիմնադիր և սեփականատեր հեռուստաաստղից բացի Մարի Ջո Քամփբելի ծննդյան 87-րդ տարեդարձը շնորհավորել է նաև դուստրը՝ Քրիս Ջեները՝ նշելով, որ նա միշտ իր ոգեշնչման աղբյուրն է եղել։

«Եթե չլինեին քո սերն ու աջակցությունը, ես չէի լինի այն կինը, որն այսօր եմ»,-գրել է Քրիս Ջենները։

Լուսանկարներ են հրապարակել նաև Քենդալ և Քայլի Ջեններները։