Սոչիում երեկ` օգոստոսի 19-ին, պաշտոնական արարողությամբ մեկնարկել է «Նոր Ալիք»` երիտասարդ կատարողների ամենամյա մրցույթը, որին այս տարի Հայաստանը ներկայացնում է երգիչ Սարո Գևորգյանը:

Մրցույթի մեկնարկը տրվել է կարմիր գորգով ու աստղային համերգով, որի ընթացքում ելույթ են ունեցել նաև մասնակից երկրների ներկայացուցիչները:

Այսօր մասնակիցներին սպասվում է ևս մեկ ոչ մրցութային համերգ` Դիմա Բիլանի ստեղծագործական երեկոյի շրջանակում: Համերգին ռուսական շոու-բիզնեսի հայտնիներն ու մասնակիցները կներկայացնեն Բիլանի հիթերը: Օրվա «մեղավորը» ևս ելույթ կունենա հանդիսատեսի համար:

«Նոր Ալիք»-ի մրցութային օրերը կկայանան օգոստոսի 21-ին, 22-ին և 24-ին: Այս տարի մրցույթին մասնակցում են 9 պետությունների ներկայացուցիչներ:

Աղբյուրը՝ style.news.am