«Արծվիկ Մինասյանի նկատմամբ վարքագիծը քրեորեն հետապնդելի արարք է իր մեջ պարունակում, առհասարակ, այսօրվա դեպքը խորհրդարանական կառավարման համակարգ որդեգրած երկրի համար խայտառակության էջերից մեկն է: Ներկայացնելու ենք հաղորդում հանցագործության մասին, դրանում չկասկածեք: Ինքս կարծում եմ, որ ճիշտ կլինի՝ պարոն Մինասյանը դատաբժշկական փորձաքննության ենթարկվի, և այն անձինք, որոնք այդ վարքագիծը դրսևորել են, ովքեր կոնկրետ հարվածներ են հասցրել Արծվիկ Մինասյանին, ենթարկվելու են քրեական պատասխանատվության»,-ԱԺ-ում լրագրողների հետ զրույցում ասաց «Հայաստան» խմբակցության պատգամավոր Արամ Վարդևանյանը:

Արամ Վարդևանյանը լրագրողներին ասաց. «Եթե դուք տեսնեիք այն մարմնական վնասվածքը, որ ստացել է Արծվիկ Մինասյանը, դա հրմշտոց չէր, դա խուլիգանական վարքագիծ էր, իսկ խուլիգանական վարքագիծ դրսևորողները պատժվելու են օրենքի ողջ խստությամբ, դրանում չկասկածեք: Կպատժվեն հիմա՞՝ այս դատախազության պայմաններում, թե՞ որոշակի ժամանակ անց, չկասկածեք դրանում»:

Աղբյուրը՝ 168.am