Բիլ Գեյթսի դուստր Ջենիֆերը պահանջել է, որ բոլոր այն հյուրերը, ովքեր ներկա պետք է լինեն Վեսթչեսթերում 2 միլիոն դոլար արժողությամբ իր հարսանիքին, ամբողջովին պատվաստված լիեն և COVID-ի բացասական թեստ ներկայացնեն՝ նախքան տարվա երեկույթին ներկայանալը:

Բիլ Գեյթսի 25-ամյա դուստրը մահմեդական արարողությամբ ամուսնացել է Նայեր Նասերի հետ: Հարսանիքի մեծ խնջույքին ներկա են եղել զույգի ավելի քան 300 հարազատներ և ընկերներ: «Ահա թե ինչու մենք որոշում կայացրինք, որ բոլոր հյուրերը պետք է լիովին պատվաստված լինեն և մինչև հարսանիքը թեստի բացասական արդյունք ներկայացնեն»,-ասել է Գեյթսը Vogue-ին:

Հարսնացուն Vogue-ին տված հարցազրույցում նաև հիշատակել է ծնողների ամուսնալուծության մասին՝ նշելով, որ իր և ամուսնու համար դժվար տարի էր, քանի որ նրանց ընտանիքները «անցումային շրջան» էին ապրում:

«Դժվար տարի էր ինչպես համավարակի առումով, այնպես էլ անցումային փուլում գտնվող մեր ընտանիքների համար»,-ասել է Ջենիֆերը: «Բայց մեր սերը միմյանց նկատմամբ մշտական էր: Ամենամոտ ընկերների ու հարազատների հետ հարսանիք նշելու հնարավորությունը իրականացված երազանք է»:

Բիլ և Մելինդա Գեյթսերն առաջին անգամ են միասին երևացել օգոստոսին իրենց ամուսնալուծությունից հետո: Զույգն ամուսնացած է եղել 27 տարի, նրանք միասին հիմնել են «Բիլ և Մելինդա Գեյթսեր» հիմնադրամը:

Աղբյուրը՝ news.am