Իտալիայի իշխանություններն ավելի անհարմար են դարձնում չպատվաստված մարդկանց կյանքը՝ երկուշաբթի օրվանից արգելելով նրանց մուտքը ռեստորաններ, թատրոններ և թանգարաններ՝ նվազեցնելու կորոնավիրուսի տարածումը և խրախուսելու թերահավատներին պատվաստվել, հայտնում է AP-ը:

Իտալական ոստիկանությունը իրավասու է ստուգել, թե արդյոք ռեստորանների և բարերի այցելուներն ունեն «սուպերանցագիր», որը հաստատում է, որ նրանք կամ պատվաստված են, կամ վերջերս են ապաքինվել վիրուսից:

Իշխանությունները նաև պահանջ են ներկայացրել, որ «հիմնական» առողջական անձնագիրը, որը կարելի է ստանալ թեստի բացասական արդյունքի դեպքում, օգտագործվի տեղական տրանսպորտ նստելու և հյուրանոցներում գրանցման համար:

Աղբյուրը՝ news.am