Աշխարհ

24.12.2021 20:50


ՌԴ-ում քահանան 21 տարվա ազատազրկման է դատապարտվել 11 երեխայի նկատմամբ սեռական բռնություն գործադրելու համար

ՌԴ-ում քահանան 21 տարվա ազատազրկման է դատապարտվել 11 երեխայի նկատմամբ սեռական բռնություն գործադրելու համար

Օրենբուրգի շրջանի Սարակտաշի շրջանային դատարանը քահանա Նիկոլայ Ստրեմսկիին մեղավոր է ճանաչել 11 երեխայի նկատմամբ սեռական բռնություն գործադրելու համար և դատապարտել 21 տարվա ազատազրկման, «ՌԻԱ Նովոստի»-ին հայտնել են դատարանից։

2019 թվականի սեպտեմբերին Ստրեմսկին ձերբակալվել է անչափահասի բռնաբարության, անչափահասների նկատմամբ սեռական բռնության և դաստիարակման պարտականությունները չկատարելու կասկածանքով։ Օրենբուրգի թեմը հետաքննության ընթացքում հոգևոր ծառայություն արգելք է դրել Ստրեմսկու նկատմամբ։ Գործով տուժող է ճանաչվել 11 երեխա։ Դատական լսումներն ընթացել են փակ դռների հետևում: Դատավճիռը հրապարակվել է ուրբաթ։

«Սեռական անձեռնմխելիության դեմ ուղղված հանցագործություններ կատարելու համար Ստրեմսկին դատապարտվել է 21 տարվա ազատազրկման»,-գործակալությանը հայտնել են Սարակտաշի շրջանային դատարանից։

Ըստ դատարանի՝ քահանան 20 տարով զրկվել է նաև երեխաների հետ աշխատանքին առնչվող գործունեությամբ զբաղվելու իրավունքից, ինչպես նաև «Ծնողական փառքի շքանշան» պետական պարգևից։

Աղբյուրը՝ tert.am

Այս խորագրի վերջին նյութերը