Աշխարհ

20.01.2022 18:39


Մասնագետները հսկայական և եզակի կուսական կորալյան խութեր են հայտնաբերել Ֆրանսիական Պոլինեզիայի ափերին (լուսանկար, տեսանյութ)

Մասնագետները հսկայական և եզակի կուսական կորալյան խութեր են հայտնաբերել Ֆրանսիական Պոլինեզիայի ափերին (լուսանկար, տեսանյութ)

Ծովային աշխարհն ուսումնասիրող գիտնականները Տահիթիի ափերի մոտ 3 կմ երկարությամբ ձգվող «կուսական» կորալյան խութեր են հայտնաբերել 30 մետր խորությամբ:

Ինչպես ներկայացնում է BBC News-ը՝ հղում անելով ՈւՆԵՍԿՕ-ին, որը ղեկավարել է առաքելությունը, Ֆրանսիական Պոլինեզիայի ամենամեծ կղզու ափերին հայտնաբերված խութերն ամենամեծն են, որ հանդիպել են նման խորություններում:

ՈւՆԵՍԿՕ-ի ներկայացուցիչ, գիտնական Ջուլիան Բարբիերը նշել է, որ այս էկոհամակարգերից շատերը «գուցե նույնիսկ հայտնի չեն գիտությանը»:

«Մենք պետք է աշխատենք դրանք քարտեզագրելու և պաշտպանելու ուղղությամբ»,-ասել է նա:

ՈւՆԵՍԿՕ-ի գլխավոր տնօրեն Օդրի Ազուլայը նշել է, որ «նշանակալի հայտնագործումը կօգնի ընդլայնել գիտելիքներն այն մասին, թե ինչ է գտնվում օվկիանոսի հատակին»:



Աղբյուրը՝ tert.am

Այս խորագրի վերջին նյութերը