Աշխարհ

21.03.2022 21:25


ՌԴ քաղաքացիները չեն պատժվի Facebook-ից և Instagram-ից օգտվելու համար

ՌԴ քաղաքացիները չեն պատժվի Facebook-ից և Instagram-ից օգտվելու համար

Եթե Ռուսաստանում արգելվի Meta-ն, ապա Facebook-ի և Instagram-ի օգտատերերը չեն պատժվի արգելափակումը շրջանցելու համար, գրում է ՌԻԱ Նովոստին, հղում անելով Մոսկվայի Տվերսկոյի դատարանում գլխավոր դատախազության ներկայացուցչին։

«Մարդիկ պատասխանատվության չեն ենթարկվի միայն այն բանի համար, որ օգտվում են Meta -ի արտադրանքից»,-պարզաբանել է դատախազը:

Ավելի վաղ Meta Platforms-ը, հաշվի առնելով Ուկրաինայում Ռուսաստանի հատուկ գործողությունները, ժամանակավորապես հանել էր Facebook-ում և Instagram-ում ռուս զինվորականների, «բայց ոչ ՌԴ քաղաքացիական բնակչության դեմ» բռնության կոչերի արգելքը:

Դրանից հետո ՌԴ գլխավոր դատախազությունը բարձրացրել է Meta–ն ծայրահեղական կազմակերպություն ճանաչելու հարցը, իսկ ՌԴ քննչական կոմիտեն քրեական գործ է հարուցել ծայրահեղականության հրապարակային կոչերի և ահաբեկչությանն օժանդակելու հատկանիշներով։

Ռոսկոմնադզորը ՀՀ գլխավոր դատախազության խնդրանքով Ռուսաստանում սահմանափակել է Instagram սոցցանցի մուտքը` ռուսների նկատմամբ բռնություն գործադրելու կոչերի պատճառով։ Instagram-ն արդեն անհասանելի է ռուսական IP հասցեներից մուտք գործելու դեպքում։

Իսկ մինչ այդ Ռոսկոմնադզորն արգելափակել էր Facebook-ը Ռուսաստանում՝ ռուսական լրատվամիջոցների և տեղեկատվական ռեսուրսների, այդ թվում՝ ՌԻԱ Նովոստիի, Sputnik-ի և RT-ի նկատմամբ զանգվածային խտրականության պատճառով։

Աղբյուրը՝ armeniasputnik.am

Այս խորագրի վերջին նյութերը