ՌԴ նախագահի մամուլի քարտուղար Դմիտրի Պեսկովը ամերիկյան PBS հեռուստաալիքին տված հարցազրույցում ասել է, թե ոչ մի սցենարի դեպքում Ռուսաստանը չի պատրաստվում միջուկային զենք կիրառել Ուկրաինայում։

«Մենք կասկած չունենք, որ Ուկրաինայում մեր հատուկ գործողության բոլոր նպատակներին կհասնենք, ինչպես էլ զարգանան իրադարձությունները այնտեղ միջուկային զենք կիրառելու պատճառ չկա»,-ասել է նա։

«Ոչ ոք չի մտածում միջուկային զենքի կիրառման մասին»,-ընդգծել է նա։

Պեսկովը հերքել է լրագրողի այն պնդումը, թե ՌԴ նախագահ Վլադիմիր Պուտինը, հայտարարելով հատուկ գործողության մասին, իբր ասել, որ Ռուսաստանը միջուկային զենք կկիրառի, եթե երրորդ երկրները միջամտեն հակամարտությանը։

Աղբյուրը՝ tert.am