Տնտեսական

17.09.2011 14:05


Արծվիկ Մինասյան. «Օր առաջ ներկա կառավարությունից ձերբազատվելը համարում եմ օրակարգային հարց»

Արծվիկ Մինասյան. «Օր առաջ ներկա կառավարությունից ձերբազատվելը համարում եմ օրակարգային հարց»

Լրագրողների հետ հանդիպման ժամանակ ՀՅԴ խմբակցության անդամ, ԱԺ ֆինանսավարկային և բյուջետային հարցերի մշտական հանձնաժողովի փոխնախագահ Արծվիկ Մինասյանը լրագրողների  հետ հանդիպման ժամանակ անդրադարձել է երկրի սոցիալ–տնտեսական վիճակին։

–Անընդհատ արձանագրում ենք տնտեսական վատթարացումներ։ Այն, որ կառավարությունը թմբկահարում է, որ ամեն ինչ լավ է, այդ թվում՝ բիզնես–միջավայրը, ասեմ, որ իրականությանը չի համապատասխանում,–հայտարարել է  նա:

Ըստ  Արծվիկ  Մինասյանի՝ յոթ ամսվա կտրվածքով Հայաստանում իրենց գործունեությունը  դադարեցրել են 300 տնտեսվարող սուբյեկտներ և անհատ ձեռներեցներ:

–Այս վիճակում խոսել բիզնես–միջավայրի բարելավման մասին, անիմաստ է: Այսպիսով՝  օր առաջ ներկա կառավարությունից ձերբազատվելը համարում եմ օրակարգային հարց,–ընդգծել է նա։

Անդրադառնալով ֆինանսատնտեսական ճգնաժամի երկրորդ հնարավոր փուլին՝ Արծվիկ Մինասյանն ասել է, թե մեր պետությունը նորից  պատրաստ չի լինելու դրան դիմակայել, քանի որ կառավարությունը միայն  իրավիճակային լուծումներ է տալիս:

–Լավ կլինի, որ միջազգային ասպարեզում, արտերկրում ճգնաժամի երկրորդ ալիք չլինի, քանի որ մեզ վրա ազդեցությունը լինելու է ուղղակի: Դա այդպես է, քանի որ միջազգային ասպարեզում մի թեթև փռշտոցը մեզ մոտ գրիպ է առաջացնում,–ընդգծել է նա։

Այս խորագրի վերջին նյութերը