MediaHub-ի տեղեկություններով՝ Ներքին գործերի նախարարության Ոստիկանության Վաղարշապատի բաժնի քրեական հետախույզները օպերատիվ տեղեկություն են ստացել, որ Արմավիրի մարզի Արշալույս գյուղի 46-ամյա բնակիչ Արտյոմ Ս.-ն ապօրինի կանեփ է աճեցնում իր հողամասում։

Դեպքի վայր ժամանակ քրեական հետախույզները Արտյոմ Սարգսյանին պատկանող Արշալույսի տնամերձ հողամասին կից շինություններում, տեսանելի հատվածից, հայտնաբերել են թղթե փաթեթներ՝ 3․41գ․, 13․16գ․, 36․39 գ․ և պոլիէթիլենային փաթեթ՝ 550 գրամ մանրացված և չորացված դեղնականաչավուն զանգված։

Զավեշտալին այն է, որ Արտյոմը ոչ միայն չի թաքցրել ապօրինի թմրանյութը, այլև փռել է արևին՝ այն չորացնելու նպատակով։

Արտյոմ Սարգսյանը ոստիկանության աշխատակիցներին ասել է, որ հայտնաբերվածը հանդիսանում է «մարիխուանա» տեսակի թմրամիջոց, որը աճեցրել և պահել է իր անձնական օգտագործման համար։

Նախապատրաստված փաստաթղթերը ուղարկվել են Վաղարշապատի քննչական բաժին։