2011թ. հունվար-սեպտեմբերին 2010թ. նույն ժամանակաշրջանի համեմատ նվազել են Երևան քաղաքի բազմաբնակարան շենքերի բնակարանների շուկայական  միջին գները։

Ըստ Ազգային վիճակագրական ծառայության տվյալների՝ 2011թ. հունվար-սեպտեմբերին Երևանում (բացի Նորք-Մարաշից) բնակարանների գինը մեկ քմ–ի համար միջինը կազմել է 257 600 դրամ, նախորդ տարվա նույն ժամանակահատվածի 275 200 դրամի փոխարեն։

Կենտրոն վարչական շրջանում 2010թ. հունվար-սեպտեմբերին բնակարաննի 1մ²–ն արժեցել է 468 700 դրամ, իսկ 2011թ. հունվար-սեպտեմբերին՝ 442 300։

Արաբկիրում՝ 2010թ.՝ 382 700, իսկ 2011թ.՝ 345400 դրամ։

Քանաքեռ-Զեյթունում՝ նախորդ տարի՝ 288 200, այս տարի՝ 266 700 դրամ։

Նոր-Նորքում՝ համապատասխանաբար 238 600 և 225 500 դրամ։

Ավանում՝  2010թ. հունվար-սեպտեմբերին հնարավոր է եղել բնակարան գնել 1 մ^2–ն 241 900 դրամով, իսկ այս տարի՝ 236 800–ով։

Էրեբունիում՝ 250 800 և 234 900 դրամով։

Շենգավիթում 2010թ. բնակարանի 1 մ²–ու գինը եղել է 254 300, իսկ 2011թ.՝ 230 100 դրամ։

Դավթաշենում՝ համապատասխանաբար 274 600 և 258 200 դրամ։

Աջափնյակում՝ 238 800 և 223 100 դրամ։

Մալաթիա-Սեբաստիայում՝ 243 000 և 222 600 դրամ։

Նուբարաշենում բնակարանի 1 մ²–ն անցած տարի արժեցել է 145 800, իսկ այս տարի՝ 147 500 դրամ։

7or.am