Բելոռուսի մայրաքաղաք Մինսկում անցկացվող սամբոյի եվրոպայի առաջնությունում ՀՀ հավաքականի ներկայացուցիչ Վահան Վարդանյանը 57 կգ քաշային կարգում անցկացվող մրցումներում նվաճեց բրոնզե մեդալ:

Հիշեցնենք, որ երեկ նույն հարգի մեդալ էին վաստակել Ռուզաննա Սարգսյանը /48 կգ/ և Տիգրան Կիրակոսյանը /52կգ/:

Վաղը' մայիսի 16-ին կկայանան մարտական սամբոյի գոտեմարտերը: Մրցասպարեզ դուրս կգան Վաչիկ Վարդանյանը /68 կգ/, Աշոտ Դանիելյանը /74 կգ/ և Արտակ Ծատինյանը /90 կգ/:

Մեր պատվիրակությունը, որի կազմում ընդգրկված են նաև ավագ մարզիչ Գուրգեն Սևոյանը, մարզիչ Էռնեստ Միրզոյանը, մրցավար Էդուարդ Ասլանյանը և Հայաստանի սամբոյի ֆեդերացիայի նախագահ Լևոն Հայրապետյանը, հայրենիք կվերադառնան մայիսի 17-ին:

Հայաստանի սամբոյի ֆեդերացիա