Քաղաքական

12.03.2012 10:11


Տ. Խզմալյան. «Եթե երկրի նախագահի աթոռին նստածը ստում է, մե՛ղք է նա»

Տ. Խզմալյան. «Եթե երկրի նախագահի աթոռին նստածը ստում է, մե՛ղք է նա»

«Սարդարապատ» շարժման նախաձեռնող խմբի անդամ Տիգրան Խզմալյանը ֆեյսբուքյան իր էջում անդրադարձել է ՀՀԿ–ի 13–րդ համագումարում Սերժ Սարգսյանի ելույթին՝ մասնավորապես նշելով.

«Սերժ Սարգսյանի վերջին ճառը շփոթմունք առաջացրեց ազնիվ մարդկանց շրջանում. այնտեղ այնքան ճիշտ ու գեղեցիք խոսքեր կան...»։

Այնուհետև Տիգրան Խզմալյանն ընդգծել է, որ մեզանում վաղուց բոլոր լավ խոսքերն ու գաղափարները կողոպտվել ու մենաշնորհվել են։

«Բայց խառնվել պետք չէ: Նրանք շարունակ ստում են, իսկ դա նշանակում է, որ անչափ դժբախտ մարդիկ են: Փորձում են ձևանալ մի այլ բան, այլ մարդու տեսակ, այսինքն՝ ուրանում են իրենք իրենց: Մե՛ղք են: Սուտասանը ստրուկ է: Միայն ազատ մարդը ստելու կարիք չունի ու ասում է այն, ինչ մտածում է: Եթե երկրի նախագահի աթոռին նստածը ստում է, մե՛ղք է նա: Երկիրը մենք կազատագրենք, ոչինչ, բայց նրանք այդպես էլ ստրուկ կմնան»,–եզրափակել է Տ. Խզմալյանը։

7or.am

Այս խորագրի վերջին նյութերը