Թուրքիան պատրաստ է առերեսվել իր պատմության հետ, եթե Ցեղասպանության փաստ ապացուցվի։ Նման հայտարարություն է արել Թուրքիայի վարչապետ Ռեջեփ Թ. Էրդողան՝ Սլովենիա պաշտոնական այցի ժամանակ։

Էրդողանը հայտարարել է, թե Թուրքիան բացել է բոլոր արխիվները՝ կապված հայկական հարցի հետ։ Նա ընդգծել է, թե եթե Հայաստանը «Ցեղասպանությունն ապացուցող փաստաթղթեր ունի, ապա պետք է հայտարարի այդ մասին». «Եթե ուսումնասիրությունների ընթացքում հարկ լինի, որ մենք նայենք մեր պատմության դեմքին, մենք պատրաստ ենք»,–հավաստիացրել է Թուրքիայի վարչապետը։