Այսօր «ՆԱՍԴԱՔ ՕԷՄԷՔՍ Արմենիա» բորսայում ԱՄՆ դոլարի փոխարժեքը ՀՀ դրամի նկատմամբ նոր ռեկորդ է սահմանել՝ ընդհուպ մոտենալով 400 դրամի սահմանագծին։ Այսօրվա միջին փոխարժեքը կազմել է 399,50 դրամ՝ երեկվա համեմատ բարձրանալով 1,5 դրամով, ինչը նույնպես ռեկորդային ցուցանիշ է առևտրային մեկ նստաշրջանի համար։

Այսօր բորսայում ընդհանուր առմամբ վաճառվել է 900 հազ դոլար։ Վաճառքի նման փոքր ծավալը վկայում է, որ բանկերը խուսափում են դոլար վաճառել, ինչը բնական է՝ հաշվի առնելով դոլարի փոխարժեքի շարունակական աճը։

Կանխիք արտարժույթի շուկայում դոլարի առքի գին է սահմանվել 398,5 դրամ, վաճառքի գինն անցել է 400 դրամի սահմանը։